Page 32 - Dissertation (3)

Hargie & Dickson (2004) және Hall (1976) зерттеулерінде эмпатияның
адамдар кикілжіңдер мен наразылықтың алдын алудағы маңызын айрықша атап
көрсетеді [60, 61].
Қазіргі заманғы коммуникация стратегиялары өзара түсіністік деңгейін
жоғарылататын және конструктивті жанжалдарды шешуге ықпал ететін зорлық-
зомбылықсыз коммуникация әдістерін (Rosenberg, 2003) және диалогты
жеңілдетуді (Schwarz, 2005) пайдалануды ұсынады [62, 63].
Өз кезегінде Л.С. Выготский (1982) коммуникациядағы эмпатияның осы
процесске қатысатын субъектілер үшін өзін қоршаған әлеуметтік ортаны түсіну
және қабылдау үшін маңызды екендігін жеткізеді [46, р. 4-500].
5. Коммуникациядағы ашықтық пен жауапкершілік. Мемлекеттік
органдардың шешім қабылдаудағы ашықтығы мен саласына жауапкершілігі
тиімді коммуникацияны орнатудың маңызды алғышарты болып табылдаы.
Хабермас (1984) өзінің коммуникативтік іс-әрекет теориясында шешім
қабылдаудағы ашықтық пен айқындық демократия мен биліктің заңдылығын
нығайтуға ықпал ететінін айтады [64]. Бұл тұста американдық зерттеуші ғалым
Худ (2007) өзінің еңбегінде мемлекеттік басқарудағы ашықтық азаматтардың
билікке сенімі мен әлеуметтік бақылауды арттыруға көмектесетінін
растайды [65].
Сонымен қатар, мемлекеттік органдардың шешімдері азаматтардың
өміріне елеулі әсер ететінін ескерсек, саяси шешім қабылдау процесінің
мемлекет пен қоғам арасындағы коммуникацияға қатысушылардың барлығына
түсінікті болуы қажет. Ресейдің атақты ғалымы Л.С. Выготский (1982) өз
еңбегінде ұтымды коммуникацияның маңызды элементі тек ақпаратпен алмасу
ғана емес, сондай-ақ осы процеске қатысушылардың тиісті шешімдердің

салдарын бағалау қабілеті екендігіне баса назар аударады [46, р. 4-500].
Цифрлық платформалар мен ашық деректерді дамытудың заманауи
жағдайында транспаренттілік стратегиялары электронды үкімет құралдарын
белсенді пайдалануды қамтиды (Bertot et al., 2010; Janssen et al., 2012), бұл
ақпараттандыруға ғана емес, сонымен қатар азаматтарды басқару процестеріне
тартуға да ықпал етеді. Жауапкершілік кері байланыс тетіктері және мемлекеттік
институттардың тұрақты сенімі мен заңдылығын қалыптастыратын қоғамдық
бақылау арқылы күшейтіледі [66, 67].
Осылайша, аталған факторларды назарға ала отырып, мемлекеттік
органдар мен қоғам арасындағы тиімді коммуникация орнату амалдарын қолға
алуға болады. Атап айтар болсақ, ұтымды коммуникацияны анықтайтын негізгі
аспектілердің қатарына - ақпараттың қолжетімділігі, билік пен қоғам арасындағы
сенім, әлеуметтік инклюзивтілік, эмпатия, белсенді тыңдау, сондай-ақ оңтайлы
шешім қабылдау жолындағы ашықтық пен жауапкершілік болып табылады. Бұл
элементтер өзара тиімді коммуникация қолайлы ортаны құруға септігін тигізіп
қана қоймай, сонымен қатар қоғам мен мемлекет арасындағы сындарлы және
сенімді коммуникацияны қалыптастыруға негіз болады.
Коммуникация үдерісі жаһандану, технологиялық даму мен қоғамның
көзқарасын өзгертуді есепке алуды қоса алғанда, жаһандық тосын сын-

32