Page 31 - Dissertation (3)

қатысатын болады. Miller (2003) және Newmann (2001) зерттеулері де қоғамдық
сенімнің саяси және әлеуметтік бағдарламаларды сәтті жүзеге асыруға ықпал
ететінін растайды [52, 53].
Заманауи зерттеулер (Kramer, 1999; Lewicki және т.б., 2006) сенім
қалыптастыру үшін іс-әрекеттердің ашықтығы ғана емес, сонымен қатар қарым-
қатынастағы жүйелілік және мемлекеттік қызметшілердің шынайылық пен
ашықтықты көрсету маңызды екенін көрсетеді [54, 55].
Тиімді коммуникациялық стратегияларға билік тарапынан монолог емес,
екі жақты диалог құру жатады, бұл азаматтардың қатысуы мен сенімінің
деңгейін арттырады.
Сонымен қатар, Л.С. Выготский (1982) өзінің әлеуметтік коммуникация
концепциясында да тиімді коммуникация орнату үшін өзара сенім мен
ынтымақтастық болудың маңыздылығын нақтылайды [46, р. 4-500].
3. Әлеуметтік және мәдени ерекшеліктерге инклюзивтілік және
сезімталдық. Үздіксіз жаһандану және көпмәдениетті қоғамдар санының артуы
жағдайында мемлекеттік қызметшілердің әлеуметтік-мәдени ерекшеліктерді
зерделей білу қабілеті ұтымды коммуникация орнатудың маңызды факторына
айналады. Гудыкунст (2003) өзінің мәдениетаралық коммуникация теориясында
тұлғаның мәдени ерекшіліктер туралы білімі мен контекстке орай орнатылған
коммуникация стратегиясын құру қабілеті ерекше сұранысқа ие [41, р. 3-446].
Джексон (2011) сонымен қатар мәдениетаралық құзыреттіліктің қоғамның
көптеген топтарымен коммуникация жасау сапасын жақсартатынын, оның
ішінде көпұлтты елдерде бұл фактордың маңызы арта түсетінін тұжырымдайды
[56]. Мейханд (Mayhand, 2020) мәдени және әлеуметтік айырмашылықтарды
есепке алу қоғамдағы әлеуметтік климатты жақсартуға, мемлекеттік органдар

мен көпшілік арасындағы коммуникациядағы қиындықтарды азайтатынын
хабарлайды [57].
Бұл тұрғыдағы маңызды стратегия мәдени құзыреттілік бағдарламаларын
жүзеге асыру және мемлекеттік қызметшілерді мәдениетаралық дағдыларға
оқыту болып табылады (Sue et al., 2009; Hammer, 2021). Бұл түсінбеушілік
кедергілерін азайтуға көмектеседі және көпұлтты қоғамдардағы
коммуникацияның тиімділігін арттырады [58, 59].
Осыған байланысты, көпұлтты елдерде аталған ерекшеліктерді назарға ала
отырып коммуникацияларды бейімдеу ұтымды мемлекеттік саясатты жүзеге
асырудың маңызды аспектісіне айналады.
4. Эмпатия және белсенді тыңдау. Қоғаммен тиімді коммуникация
орнатуда тұлғаның эмпатия және белсенді тыңдау қабілеті аса маңызды орынға
ие. Д. Големан (1995) өзінің эмоционалды интеллект теориясында тұлғалардың
эмоцияларын түсіну қабілеті коммуникация сапасын жақсартуға оң ықпалын
тигізеді деп санайды [27, р. 3-350]. Оппоненттерді белсенді тыңдай білу олардың
қажеттіліктерін түсінуді ғана емес, сондай-ақ байсалды жауап беруіне
көмектеседі.

31