Page 30 - Dissertation (3)

мәдениетті сезімтал мемлекеттік қызметшісін дамыту арқылы қоғам сенімін
нығайту жөніндегі стратегиялық басымдықтарына сәйкес келеді.

1.2 Мемлекеттік қызметшілердің коммуникативтік құзыреттері
мемлекеттік органдардың коммуникативтік стратегияларын іске
асырудың маңызды факторы
Мемлекеттік қызметшілердің коммуникативтік құзыреттіліктері
мемлекеттік органдардың тиімді коммуникациялық стратегияларын іске
асыруда шешуші рөл атқарады. Бұл құзыреттер мемлекеттік органдар мен қоғам
арасындағы өзара іс-қимылдың сапасына тікелей әсер етеді, сондай-ақ олардың
мемлекеттік биліктің ашықтығы мен қолжетімділігін арттыру шеңберіндегі
маңызы да орасан. Әлеуметтік дағдарыстарға жауап ретінде мемлекеттік
қызметшілер көптеген әлеуметтік топтармен өзара әрекеттесу, конфликтілерді
шешу және стресстік жағдайларды басқару қабілетін қажет етеді.
Бұл тұста мемлекеттік органдар мен қоғам арасындағы тиімді
коммуникацияны орнату келесідей бірқатар факторларды ескеру маңызды:
1. Ақпараттың қолжетімділігі және коммуникацияның ашықтығы. Бұл
фактор мемлекет пен қоғам арасындағы коммуникацияны жақсартуға ықпал
ететін негізгі факторлар болып табылады. Осы мәселемен айналысқан
ғалымдардың ішінде американдық социолог Гоффман (1959) ұсынылған ақпарат
қоғамдағы түсінбеушілік пен қанағаттанбаушылықты тудырмауы тиіс деп
санайды [44]. Грис (1975) өзінің прагматика теориясында коммуникациядағы
айқындық пен дәлдік сенімді қарым-қатынастарды құрудың негізі деп есептейді.
Сәйкесінше ақпарат көпшілікке қолжетімді және түсінікті болуы қажет [45]. Осы
орайда, Л.С. Выготский (1982) тиімді коммуникация құру үшін қолайлы

контекст пен әлеуметтік жағдайдың маңыздылығын айқындайды, сондай-ақ
әлеуметтік ортаны есепке алмай табысты коммуникацияны орнату мүмкін
еместігін атап көрсетеді [46].
Сонымен қатар, заманауи зерттеулер (Kietzmann et al., 2011; Mergel, 2016)
мемлекет пен қоғам арасындағы диалогтың қолжетімділігі мен интерактивтілігін
арттыру үшін цифрлық байланыс арналарын пайдаланудың маңыздылығын
көрсетеді [47, 48].
Бұл азаматтарды хабардар етіп қана қоймай, кері байланыс алуға
мүмкіндік береді, бұл басқарудың икемді және бейімделуіне ықпал етеді.
Танненбаум (2000) мен Schmitz (2011) зерттеулері ақпараттың
қолжетімділігі мен анықтығы мемлекет пен қоғам арасындағы
коммуникацияның неғұрлым ашық және тиімді арналарын қалыптастыруға
ықпал ететітінін растайды [49, 50].
2. Сенім өзара әрекеттесу негізі ретінде
Сенім мемлекеттік органдар мен қоғам арасындағы тиімді байланыстың
ажырамас бөлігі болып табылады. Эдвардс (1995) сенімнің болмауы мемлекеттік
органдар мен қоғамның арасындағы коммуникациясының тиімділігін
айтарлықтай төмендететінін айтады [51]. Қоғам өкілдерінің үкіметке сенімі
болса, сәйкесінше азаматтар үкіметтің шешім қабылдау процесіне белсенді

30