Page 11 - Dissertation (3)

коммуникация пен диалогтың тиімді және бейімді тетіктерін құруда
қаншалықты маңызды екенін айқындайды.
Осы ғылыми зерттеу барысында ұсынылған әдіс-тәсілдер мен әдіснамалар
мемлекеттік басқару, коммуникация және мемлекеттік қызметшілердің
біліктілігін арттыру саласында, сондай-ақ мемлекет пен қоғамның өзара
ынтымақтастығы саясатын және стратегияларын әзірлеу және іске асыру
барысында жүргізілетін теориялық және практикалық зерттеулерге негіз бола
алады.
Диссертациялық зерттеудің практикалық нәтижелерін тексеру. Осы
диссертациялық зерттеуді жазу аясында 7 (жеті) ғылыми жұмыс дайындалып,
жарияланды: 3 (үш) мақала Scopus деректер қорына енетін ғылыми
басылымдарда, 4 (төрт) мақала Қазақстан Республикасы Ғылым және Жоғары
білім саласындағы сапаны қамтамасыз ету комитеті ұсынған ғылыми-
практикалық журналдарда жарық көрді.
Сонымен қатар, зерттеу нәтижелері Қазақстан Республикасының
Президенті жанындағы Мемлекеттік басқару академиясының Маңғыстау
облысындағы филиалында сынақтан өтті.
Диссертация құрылымы. Жұмыстың құрылымы және диссертация
көлемі 164 беттен: кіріспеден, үш бөлімнен, қорытындыдан, пайдаланылған
әдебиеттер тізімінен (233 тақырыптар), сондай-ақ 5 суреттен, 13 кестеден
тұрады.

11