Page 103 - Dissertation (3)

Төмендегі 7-кестеде «Халық үніне құлақ асатын мемлекет» моделін іске
асыруға орай мемлекеттік қызметтегі коммуникациялық дағдыларындағы
салыстырмалы өзгерістер көрсетілген.

Кесте 7 – Халық үніне құлақ асатын мемлекет

Коммуникативтік аспект Модельге дейін Модельді жүзеге асырғаннан кейін
Кері байланыс Ресми, бір жақты Ішінара
институттандырылған
Ақпаратқа қол жеткізу Шектеулі, Артқан, цифрлық, бірақ тұрақты
бюрократиялық емес
Мемлекеттік Іс жүзінде жоқ Артқан, бірақ біркелкі емес
қызметшілердің есептілігі
Өзін-өзі таныстыру Әлсіз, ескірген Кейбір қызметкерлерде жақсарған
дағдылары
Сандық арналарды Минималды Белсенді, әсіресе аймақтарда
пайдалану
Қарым-қатынастағы Ақпаратты пассивті Әріптестер, өзара әрекеттесу
азаматтардың рөлі қабылдаушылар бастамашылары
Есекрту – Автор эмпирикалық деректер негізінде жасақтаған

Жалпы «Халық үніне құлақ асатын мемлекет» моделі мемлекеттік
қызметшілердің кәсіби коммуникациялық құзыреттерін жаңғыртудың маңызды
катализаторына айналды деп тұжырымдауға болады. Бұл тұста жаңа
коммуникация арналарын енгізу, ашықтықты арттыру, қоғаммен кері
байланысқа назар аудару мемлекеттік қызмет саласында неғұрлым тұрақты
қарым-қатынас мәдениетін қалыптастыруға негіз болып табылады.
Дегенмен, бұл бағытта орын алған оң өзгерістер біркелкі емес және олар
мемлекеттік органдар басшыларының бастамашылық деңгейіне де байланысты.
«Халық үніне құлақ асатын мемлекет» моделін іске асырудың табысты болуы
үшін бұл тәжірибелерді институционализациялау: мемлекеттік қызметшілерді
оқыту, қарым-қатынас үшін KPI енгізу, азаматтардың қанағаттануын жүйелі
түрде бақылау, жауапкершілік пен эмпатия мәдениетін дамыту қажет.
Бұл тұста, кері байланысты жинақтау ғана емес, оны кейін өңдеу және
мемлекеттік органдардың жұмысына өзгерістер енгізу үшін пайдалану маңызды.
Мұны шетел ғалымдары Майер және Дэвистің (Mayer & Davis, 1999) зерттеулері
растайды, олар кері байланысты үнемі пайдалану қызметтердің сапасын
айтарлықтай жақсартуға және азаматтардың өтініштеріне жауап беруді
жылдамдатуға көмектеседі деп санайды [190].
Бұдан басқа, Баррет пен О’ Кифи (Barrett & O’Keefe, 2015) табысты кері
байланыс жүйелері ақпаратты жинауды ғана емес, сондай-ақ бұл деректердің
қызмет өнімділікті жақсарту үшін пайдаланылуын қамтамасыз етуді де қамтиды
[191]. Мұндай жүйелерді енгізу азаматтардың сенімін арттырады және
наразылықты азайтады.
Кейбір респонденттер, мысалы, R-5, мемлекеттік мекеменің құрылымдық
бөлімшелері арасында түсініспеушілік жиі туындайтынын, бұл азаматтармен
тиімді қарым-қатынас орнатуды қиындататынын айтты.

103