Page 3 - Dissertation (3)

− қазақстандық тәжірибе негізінде, әсіресе дағдарыстық жағдайларда,
мемлекеттік қызметшілер мен азаматтар арасындағы коммуникациядағы
негізгі кедергілер мен проблемаларды анықтау;

− «Халық үніне құлақ асатын мемлекет» тұжырымдамасы аясында әртүрлі
санаттағы мемлекеттік қызметшілердің кәсіби коммуникативтік құзыреттерін
жетілдіруге арналған нақты ұсыныстар әзірлеу.
Зерттеу әдістемесі мен әдістері: Осы жұмыстың әдіснамалық негізін
мемлекеттік қызметшілердің коммуникативтік құзыреттерінің даму
ерекшеліктерін жан-жақты зерттеуге мүмкіндік беретін жүйелік,
салыстырмалы және контент-талдау әдістері құрайды. Жұмыстың теориялық
негізін мемлекеттік басқару мәселелерін зерттейтін отандық және шетелдік
ғалымдардың еңбектері, сондай-ақ мемлекеттік қызметшілердің кәсіби
құзыреттіліктерін дамыту және оқыту жөніндегі ғылыми еңбектер құрайды.
Мемлекеттік басқару контексінде коммуникативтік құзыреттердің
дамуын кешенді түрде зерделеуге мүмкіндік беретін жүйелі, салыстырмалы
және контент-талдау тәсілдері құрайды. Эмпирикалық деректер мемлекеттік
қызметшілер арасында жүргізілген сауалнама (№=4790), сондай-ақ бизнес,
үкіметтік емес ұйымдар және бұқаралық ақпарат құралдары өкілдерімен
жүргізілген сараптамалық сұхбаттар (№=19) нәтижесінде алынды. Сонымен
қатар, фокус-топтық зерттеу ұйымдастырылып, оған мемлекеттік
қызметшілердің коммуникативтік құзыреттерін дамыту, мемлекеттік сектор
өкілдерімен өзара іс-қимыл және ұйымдарға арналған коммуникациялық
стратегияларды әзірлеу саласында кәсіби тәжірибесі бар 32 сарапшы қатысты.
Зерттеудің ғылыми жаңалығы: «Халық үніне құлақ асатын мемлекет»
тұжырымдамасын іске асыру жағдайында мемлекеттік қызметшілердің
коммуникациялық құзыреттерінің трансформациясын теориялық тұрғыдан
негіздеуде және оны эмпирикалық түрде растауда жатыр. Қолданылған
зерттеу әдісі мемлекеттік органдардың ашықтық пен азаматтармен диалогты
қамтамасыз етуге қатысты институционалдық тәсілдерін, сондай-ақ олардың
қоғаммен өзара іс-қимыл жасау практикаларын кешенді түрде зерделеуге
мүмкіндік берді.
Зерттеу аясында қорғауға ұсынылатын негізгі ережелер
(тұжырымдамалар):
1. Мемлекеттік қызметшілердің коммуникативтік құзыреттері тілдік
дағдыларды, тұтынушыға бағдарлануды, вербалды емес қарым-қатынасты
және ақпаратты өңдеу қабілетін қамтитын кешенді жүйе болып табылады. Бұл
құзыреттер мемлекеттік қызметшінің кәсіби әрекетінің тиімділігін тікелей
қамтамасыз етеді.
2. Сараланған көзқарас мемлекеттік қызметшілердің коммуникативтік
құзыреттілігін дамытуда олардың жеке ерекшеліктерін, кәсіби тәжірибесін
және қызметтік міндеттерін ескере отырып, тиімділігін арттыруға оң ықпалын
тигізеді.
3. Мемлекеттік қызметшілерді оқыту және олардың біліктілігін арттыру
олардың атқаратын лауазымының деңгейін, функционалдық міндеттерін және
қызмет саласының ерекшелігін ескере отырып жүйелі түрде жүргізілуі тиіс.