Jańalyqtar

Zańnama ınstıtýty zertteýleriniń nátıjelerin talqylaý

Búginde Qazaqstan Respýblıkasy Prezıdentiniń janyndaǵy Memlekettik basqarý akademıasy zamanaýı damýdyń ózekti máselelerin talqylaý úshin áreketti saraptamalyq alańǵa aınaldy.

Mundaı máselelerdiń biri adam quqyqtary (azamattyq jáne saıası quqyqtar) salasyndaǵy halyqaralyq sharttardyń normalaryn Qazaqstan Respýblıkasynyń zańnamasyna engizý bolyp tabylady.

2018 jyldyń 5 jeltoqsany Akademıada Qazaqstan Respýblıkasynyń Zańnama ınstıtýty osy taqyryp boıynsha Adam quqyqtary jónindegi ulttyq ortalyǵynyń qatysýymen júrgizgen zertteýleriniń qol jetkizgen nátıjeleri ashyq talqylandy.

Syrtqy ister mınıstrligi, Ishki ister mınıstrligi, Qoǵamdyq damý mınıstrligi, Mádenıet jáne sport mınıstrligi syndy memlekettik organdardyń tarapynan kommentarııler aıtyldy. IýNISEF jáne Kóshi-qon jónindegi halyqaralyq uıym ókilderi óz usynymdaryn berdi. Odan bólek, talqylaýǵa akademıalyq qoǵamdastyq – Joǵarǵy Sot janyndaǵy Sot tóreligi akademıasy, QazGZÝ, L.N. Gýmılev atyndaǵy EUÝ, Eýrazıalyq gýmanıtarlyq ınstıtýty, «Turan-Astana» ýnıversıtetiniń ókilderi de qatysty.

О́tkizilgen is-shara memlekettik organdar men sarapshylardyń kúshterin biryńǵaı ıntellektýaldyq keńistikte biriktirýge baǵyttalǵan, Memlekettik basqarý akademıasynyń basqa da is-sharalarymen bir qatarda boldy.